ឆ្នាំថ្មី បង្កើនគុណភាពជីវិតរបស់អ្នកជាថ្មី ដោយវិធីសំខាន់ទាំង៤នេះ

,

បច្ចុប្បន្ននេះ មនុស្សភាគច្រើន ផ្តល់តម្លៃយ៉ាងខ្ពស់ទៅលើ លុយ ទ្បាន ឬសម្ភារះទំនើបៗជាដើម។ ប៉ុន្តែផ្ទុយមកវិញ គុណតម្លៃពិតប្រាកដរបស់មនុស្ស មិនមែនស្ថិតលើរបស់ទាំងអស់នោះ ទាំងស្រុងនោះទេ វាស្ថិតនៅលើគុណភាពនៃជីវិតរបស់មនុស្សទៅវិញទេ។ តើធ្វើដូចម្តេចទើបអាចបង្កើនគុណភាពនៃជីវិតរបស់អ្នកបាន?

កញ្ញា ម៉ារីតា

ឥលូវមកមើលដំបូន្មានសំខាន់ៗខាងក្រោមនេះមើល៖ 

អ្នកត្រូវលះបង់គំនិតអវិជ្ជមានចោលឲ្យអស់

មនុស្ស​តែង​តែ​​មានចំនុច​អវិជ្ជមាន​ ហើយភាព​អវិជ្ជមាន​នេះ កើត​ឡើងយ៉ាង​លឿន​​​ វា​មិន​ត្រឹមតែ​​ធ្វើ​ឲ្យ​ជីវិត​អ្នក ​រស់​នៅ​ក្នុង​ភាព​អវិជ្ជមាននោះទេ ប៉ុន្តែវា​ថែម​ទាំង​ឆក់​យក​ភាព​រីករាយ​ចេញពី​ជីវិតអ្នកទៀតផង។

កាត់បន្ថយពេលវេលាដែលអ្នកចំនាយលើអេក្រង់នោះខ្លះទៅ

សព្វថ្ងៃមនុស្សបាន​ចំណាយ​ពេល​វេលាជា​ច្រើន​លើ​ ទូរទស្សន៍ ​កំព្យូរទ័រ ឬ​ទូរស័ព្ទ។ តើអ្នកដឹងទេថាវាទាញយក​ពេល​វេលា​ជា​ច្រើន​ចេញពីអ្នកដោយមិនដឹងខ្លួន។ អ្នក​គួរយកពេលវេលាទាំងនោះទៅធ្វើអ្វីដែលមានប្រយោជន៍សម្រាប់អ្នកទៅ។

ជ្រើសរើសបរិភោគអាហារណាដែលល្អសម្រាប់សុខភាពអ្នក

អាហារមានសារះសំខាន់ខ្លាំងណាស់សម្រាប់សុខភាពរបស់អ្នក​​។ ប្រសិន​បើអ្នកជ្រើសរើស​​​ញាំ​អាហារ​ដែល​ផ្តល់ផលមិន​ល្អ​ចំពោះ​សុខភាព ​វានឹងធ្វើឲ្យអ្នកឈឺ ហើយ​ខាតបង់ទាំង​ពេល​វេលា ​និង​ប្រាក់កាសថែមទៀត​ផង។

ធ្វើខ្លួនជាអ្នករៀនសូត្រជានិច្ច

ត្រូវផ្តល់​ឱកាស​ឲ្យខ្លួន​ឯង​ទទួល​បាននូវ​ចំណេះ​ដឹង និងមានការអភិវឌ្ឍថ្មីៗជានិច្ច បើទោះបីជាអ្នកស្ថិតនៅក្នុងស្ថានភាពណាក៏ដោយ។ ជាពិសេសការអានសៀវភៅ ជាវិធីល្អបំផុតមួយក្នុងការក្រេបយកចំនេះដឹងថ្មីៗបន្ថែមទៀត។

អត្ថបទដោយ៖ យឿន ស័រ

ទស្សនៈជីវិត យល់ដឹង